Realeko lehenengo taldeko atea jotzen dabil aspalditik Arkaitz Mariezkurrena aurrelari astigartarra. Aurredenboraldian partiduren bat jokatzeko aukera izan zuen Imanol Alguacilen aginduetara, eta gaur estreinakoz sartu da lehiaketa ofizial bat jokatzeko deialdian.
Bihar arratsaldean hasiko du Realak Espainiako Kopako ibilbidea, Jove Español talde valentziarraren aurka.
Mariezkurrenak Sanseko jokalaria da, eta aurtengo denboraldian bi gol sartu ditu lehenengo bederatzi partidutan.