Astiko Elkarteak martxan jarri du jada deskontu bonuen zazpigarren edizioa. Gaur goizeko 09:00etatik aurrera eskuratu daitezke bonuak, www.astiko.eus webgunean. Azaroaren 3ra arte egongo da eskuratzeko epea, eta abenduaren 31 izango da erabiltzeko azken eguna.
Lau bonu mota daude aukeran: 10, 20, 50 eta 100 eurokoak. Horiek herriko 32 establezimendutan erabiltzeko aukera izango dute herritarrek.
Aurtengo kanpainan, berrikuntza gisa, bonuak erosten dituzten lehenengo 300 erabiltzaileek 20 euroko bonua jasoko dute opari.