Segoviako Tutto Voce abesbatzak kontzertua eskainiko du larunbatean, Astigarragako Erribera Kulturgunean. Astigarragako Eragiyok abesbatzak antolatu du kontzertua, eta II. Ahober abesbatza zikloaren barruko bigarren emanaldia izango da. Arratsaldeko 19:00etan hasiko da kontzertua, doako sarrerarekin; gonbidapenak eskuragarri daude Erriberan eta Udalaren webgunean.
Tutto Voce 1999an sortu zen ahots grabeen talde gisa, eta bere errepertorioan erritmo ugari aurki daitezke: boleroak, habanerak, tangoak, poesia musikatua, musika tradizionala edota umorezko doinuak, baina beti ere, musika hispanoamerikar herrikoia da protagonista.