'Ilunabarrak Gobadarien parkean' egitasmoak udarako azken emanaldia eskainiko du ostiralean, eta Ianire Aranzaberen proiektu musikala entzuteko aukera izango da, ESANEZIN. Iluntzeko 20:30etan hasiko da kontzertua Gobadarien parkean, doan izango da eta herritar ororentzat irekia. Euria egingo balu, Kontxa Etxeberria plazara lekualdatuko da egitaraua.
Astigartarrek eta inguruko herritarrek, Altzagarateko gaztearen 'Erretratu bat' diskoko abestiak entzuteko aukera izango dute. Pop doinuak jorratu ditu gehienbat lehen lan luze honetan, baina ateak itxi gabe musika-erreferentzi berriei.