Ekainean abiatu zuen Kulturarteko Dantza Zikloa, Astigarragako Emakumeon Etxeak; eta beste saio bat egingo du gaur arratsaldean. Oraingoan, euskal dantzak landuko dituzte, Zuriñe Hijarrubia astigartarraren eskutik.
Ordu eta erdiko saioa izango da, 17:00etatik 18:30etara. Doakoa da, baina parte hartzeko izena eman behar da aldez aurretik: emakumeonetxea.astigarraga@gmail.com helbide elektronikora idatzita, edo 648 417 157 telefonora deituta.