Ate joka dira Santio Jaiak, eta Astigarragako talde batek aurtengo urterako ere danborrada antolatu du, Astigarragako Udalaren laguntzarekin eta babesarekin. Hilaren 27an izango da danborrada, arratsaldeko 18:30etan hasita.
Parte hartzeko baldintzak zeintzuk diren ere zehaztu dute antolatzaileek: «danborra jotzeko gogoa behar da eta 18 urte edo gehiago edukitzea». Beraz, parte hartu nahi duenak, izena eman beharko du, eta horretarako egun zehatz bat jarri dute: uztailaren 12a. Joseba Barandiaran plazan mahaia jarriko dute, arratsaldeko 19:00etatik 20:00etara bitartean.
80 lagunentzat tokia dago, eta izena ematera datorren pertsona bakoitzak 4 lagunen izena eman ahal izango du.
Entsaio bat egingo dute, txarangarekin uztailaren 18an, arratsaldeko 19:00eta herri eskolako patioan.