Robin Le Normand futbolari ergobiarrak auzoa utziko du Alemaniatik itzuli bezain pronto. Hedatutako azken informazioen arabera, Frantzian jaio baina bihotza Ergobian duen zentralak Atletico de Madrid taldearekin sinatuko du datozen egunetan.
Halaxe iragarri du Fabrizio Romano kazetari entzutetsuak: «Robin Le Normand Atletico de Madrilera, bagoaz!».
Bailaran momentu ederrak utzitakoa da Le Normand, pasa den urteko Ergobiako festetan txupinazoa bota ondoren.
Auzoko egunerokoan errotutako mutila badoa Espainiar Estatuko kapitalera. Ea bertan lortzen duen San Isidro festetan txupinazoa botatzea.