Emanaldi berezia izango da bihar iluntzean, Erribera kulturgunean: 'Esnatu naiz' kabareta eskainiko du Andoni Mutiloa hernaniarrak, 20:00etan hasita.
2020an estreinatu zuen antzezlana Mutiloak, eta ordutik 75 emanaldi baino gehiago eskaini ditu. Generoaren eta sexu aniztasunaren gaiak lantzen ditu kabaretean. LGTBIQ+ Harrotasunaren Egunaren harira antolatu dute emanaldia Astigarragan.
Sarrerak salgai daude, Erriberan bertan eta astigarraga.eus webguneko 'Sarrerak erosi' atalean: helduenak 8 euroan, eta adin txikikoenak 4 euroan.