Bihar izango dute aukera Astigarragako odol emaileek, herrian bertan odola emateko. Arratsaldeko 16:30etatik 20:30etara izango dira estrakzioak, Erribera kulturgunean. Horretarako, hori bai, aldez aurretik eskatu beharko da hitzordua: bihar goizean zehar deitu behar da, 08:30etatik 14:30etara bitartean, 943 00 78 85 telefonora.
Herritar guztiei luzatu diete odola ematera gerturatzeko deia. Izan ere, udan sartu berri garen honetan, ezinbestekoa da odol erreserbak haunditzea: «Odol beharrak areagotu egiten dira garai honetan, eta erreserbak baju daudenez, beharrezkoa da odol emaile guztien lankidetza, ahalik eta bizitza gehien salbatu ahal izateko».
Zentzu horretan, nabarmendu dute odol emaileek «harro» esan dezaketela «gure odolak bizitzak salbatzen dituela». Horretarako antolatu dute biharko hitzordua Astigarragako Odol Emaileek, Astigarragako Udalarekin lankidetzan eta Gipuzkoako Odol Emaileen Elkartearekin koordinatuta: «Minutu gutxi batzuetan beste pertsona batzuei bizitza salbatu diezaiekegu. Mesedez, anima zaitezke bizia ematera!».