Berriro Herriarteko Txapelketaren finalean aritzeko, aurreneko urratsa eman nahi du Astigarragak gaur. Semifinaletako joanekoa jokatuko dute palista astigartarrek Aian, eta aldeko emaitza ekarri nahi du, bueltakoan zaleen animoekin pasea ziurtatzeko.
Arratsaldeko 18:00etan hasiko da jaialdia, Aiako frontoian. Laukotea indartsua izango du Astigarragak, kanporaketa bere aldera ekartzeko. Buruz burukoan Axier Salaberriak jokatuko du. Binaka, ohiko bikotearekin ariko da Astigarraga, Mikel Txoperenarekin eta Beñat Zubiarrainekin. Eta zazpi barruan Ganix Urdangarin izango da astigartarren ordezkaria.