Adela Gipuzkoa elkarteak eta Kupela Tabernak antolatuta, TortiELA txapelketa solidarioa egingo dute larunbat honetan Astigarragan. Emakumeon plazan izango da jaialdia, eta txapelketaz gain, jarduera ugari prestatu dituzte eguna girotzeko.
Goizen goiz, 08:30etan, Raul Perez kirolariak elkartasun maratoia korrituko du Astigarragan. Herriari 7 buelta emango dizkio, zenbait korrikalariren laguntzarekin. Tortilla lehiaketa, berriz, 10:00etan hasiko da, eta ordutik aurrera festa giroa izango da nagusi Emakumeon plazan.