Kulturarteko dantza zikloa izango da datozen asteotan, Astigarragako Emakumeon Etxean. Bihar ekingo diote, eta euskal dantzak ikasteko aukera izango da aurrena, bi saiotan: bihar 17:30etatik 19:00etara, eta larunbat goizean 11:30etatik 13:00etara. Zuriñe Hijarrubiak eskainiko du ikastaroa, euskeraz.
Datozen asteotan, berriz, dantza boliviarrak eta sevillanak ikasiko dituzte Emakumeon Etxean bertan. Ekainaren 13an eta 14an eskainiko ditu sevillanei buruzko saioak Pepa Caballerok. Bi egunetan arratsaldeko 17:30etatik 19:00etara izango da, gaztelaniaz. Dantza boliviarrak ikasteko saioak uztailean izango dira.
Ikastaroetan izenematea eta haur zaintza zerbitzua, doan
Ikastaro guztiak doakoak izango dira, baina parte hartzeko, aldez aurretik eman behar da izena. Horretarako, posta elektronikoz idatzi behar da, emakumeonetxea.astigarraga@gmail.com helbidera.
Gainera, doako haur zaintza zerbitzua ere eskainiko dute, baina aurrez abixatu behar da.