Maitena Monroyk Autodefensa Feminista, más allá de aprender a decir no liburua aurkeztuko du bihar, 18:00etan, Astigarragako Emakumeon Etxean. Aurkezpena eta solasaldia izango dira ekitaldian. Maitena Monroyk 30 urtetik gora daramazki autodefentsaren inguruko ikastaroak ematen, bai Euskadin eta baita Estatu mailan ere. Liburuan eta solasaldian defentsa pertsonalaren arlo ezberdinak landu ditu. Egilearen esanetan, autodefentsa ez da bakarrik eraso baten aurrean zein jarrera izan behar den ikastea, baizik eta erasoa bera nondik datorren identifikatzen jakitea: «Erasoak mota askotakoak izan daitezke, fisikoak, hitzezkoak, psikologikoak eta abar. Garrantzitsuena da erasoak nondik eta noiztik datozen jakitea». Horixe da Monroyk lantzen duena.
Maiatzaren 17an, abesbatzen kontzertua
Bestetik, maiatzaren 17an, 'Emakumeon ahotsak plazara emanaldia' eskainiko dute Astigarragan, Hernaniko Goiz Eguzkiko emakumeen abesbatzak eta Donostiako Emakumeen Etxeko Ederlezi abesbatzak. Emakumeon Plazan izango da, 18:30etan.