Astigarragako Emakumeon Etxean, erditzeosteko gimnasia saioak jarri dituzte martxan. Astearteetan eta ostegunetan elkartuko da taldea, goizeko 11:30etatik eguerdiko 12:30ak arte. Saio guztiak Emakumeon Etxean bertan egingo dituzte. Doako tailerra da, eta asistentzia librea dela azaldu du Emakumeon Etxeak. Izan ere, taldea guztiz irekia izango da, eta ariketak kideen artean egitea da proposamena. Hala, zoru pelbikoa, hipopresiboak, tonifikazioa eta luzaketak lantzea da helburua. Horrez gain, esperientziak elkarbanatzeko eta elkar ezagutzeko espazioa izatea da antolatzaileen nahia.
Parte hartu nahi duten astigartarrek emakumeonetxea.astigarraga@gmail.com helbidera idatzi edo 648 41 71 57 telefonora deitu dezakete.