Bihar arratsaldeko 18:00etan, 'Substantziarik gabeko adikzioak. Zer egin dezake familiak?' hitzaldia eskainiko du Jessica Rodriguezek, Erriberan, Treba Gurasoak programaren baitan. Hitzaldiarekin, gurasoei aholkularitza eman nahi zaie adikzioen gaiari aurre egiteko, beharrezko informazioarekin eta prestakuntzarekin «seme-alabek balio eta portaera-jarraibide egokiak eskura ditzaten».
Era berean, Treba Gurasoak programaren xedeak dira, besteak beste, familiak osasunerako hezkuntzan duen prebentziozko zereginaren garrantzia sustatzea; jokabide-mendekotasunei buruzko ezagutzak eta oinarrizko informazioa ematea, bereziki kirol-apustuei eta ausazko jokoei buruzkoa, eta horiekin lotutako arrisku espezifikoei buruzkoa; eta haien aurrean modu positiboan erantzuten lagunduko dieten trebetasunak eta estrategiak ematea.
Beraz, hau guztia lortzeko, ondorengo gaiak landuko dituzte: 'Zer da jolasa? Joko osasungarria versus joko patologikoa'; 'erakargarri eta mendekotasun-ahalmen bihurtzen dituzten jokoen ezaugarriak'; 'arazo ez bihurtzeko gakoak'; 'kontsumo edo erabilera arazotsuak goiz atzematea'; eta 'zer egin dezake familiak?'.
Trebatzailearen azalpenak teoriko-praktikoak izango direla azaldu du Jessica Rodriguezek, eta horretarako, talde-dinamika ezberdinak sortuko dituzte, «parte hartzea sustatzeko eta familiek prebentzio-lan egokia egiteko estrategiak eta tresnak eskuratu ahal izateko». Horrez gain, bideoak jarriko ditu ikusgai Rodriguezek hitzaldian. Modu honetara, tailerretan parte hartzen duten pertsonek taldean eztabaidatzeko teknikak, simulazio-teknikak eta abar erabiliko dituzte.
Bertaratzeko, izena ematea beharrezkoa
Hitzaldira bertaratzeko, beharrezkoa izango da aldez aurretik izena ematea. Horretarako, 943 33 10 67 telefonora deitu dezakete interesatuek, edota euskaraetaghezkuntza@astigarraga.eus helbide elektronikora idatzi.