Sukaldaritza, sagardoa eta herri kirolak, protagonista Ergobin

Euskal Jaia ospatu zuten atzo, egun osoko planarekin, Ergobi auzoan. Mota guztietako jarduerak prestatu zituzten, eta jende asko bertaratu zen, goizean zein arratsaldean. Sukaldaritza eta sagardoa izan ziren protagonista, aurrena. Sukaldaritza tailerrak egin zituzten goizean zehar, eta prestatutako pintxoak dastatzeko aukera izan zuten bertaratuek eguerdian. Sagardoa, berriz, bi modutara dastatzeko aukera izan zuten: bertan jarritako lau kupeletatik hartuta, edota gidatutako katan parte hartuta. Arratsaldean, berriz, he­rri kirolek hartu zuten protagonismoa plazan, Apaxiren ipuin kontaketaren ondoren.