Urtero bezala, 80 urtetik gorakoei omenaldia egingo diete Astigarragan, hilabete honetan. Ekainaren 18an izango da, goizeko 09:30etatik aurrera, Gure Izarra elkarteak eta Udalak antolatuta.
Txirrisklako txistularien diana izango da 09:30etan, txarangaren irteera 11:30etan, meza 13:00etan Txomiñenen, eta Aiztondo abesbatzako eta Astigar dantza taldeko kideen emanaldia segidan. Bukatzeko, Gure Izarra elkartean egingo dute bazkaria.