Aurtengo urterako ere, Astigarragako Udalak argazki lehiaketa antolatu du, udal egutegiaren azaleko irudia eta hilabete bakoitzeko argazkiak aukeratzeko. Argazki lehiaketa udazkenean jarriko dute martxan, baina hala ere, interesa duen pertsona oro argazkiak egiten has daiteke. Kultura batzordeak jarri du argazki lehiaketako gaia eta ondorengoa da: Astigarragako jaiak eta ospakizunak urtean zehar.
Oinarriak «iazkoen antzerakoak» izango direla azaldu du Udalak, eta aurreratu du irailean jakinaraziko direla hauek, «argibide gehiagorekin».