'Elbira' dokumentala izango da ikusgai Astigarragako Erribera kulturgunean, martxoaren 10ean. Iluntzeko 20:00etan jarriko dute, eta doakoa izango da.
Elbira Zipitria euskal pedagogiaren aitzindariari eskainitako dokumentala da. Bere bizitzaren pasarte fikzionatuen laguntzaz, haren jatorria, konpromiso politikoa, erbestea, itzulera eta jarduna kontatuko ditu filmak. 65 minutuko iraupena dauka.