Ramón Ibarra, Asier Hormaza eta Asier Sota aktoreak igoko dira Erriberako taula gainera, urtarrilaren 14an. Izan ere, 'Lagun beltz asko' antzezlana eskainiko dute bertan, iluntzeko 20:00etan hasita.
Pertsona ezezagunei diegun beldurra edo arbuioa islatzen du antzezlanak. Ixtear dagoen taberna batean gertatzen da istorioa. Barruan, tabernako jabea eta bere lagun onena azkeneko tragoa hartzen ari dira. Bat-batean, galduta dagoen migratzaile batek atea joko du eta mugikorra kargatzen uztea eskatzen die.