Pixkanaka amaierara iristen ari da Promozioko Binakako Txapelketa. Gaur arratsaldean jokatuko dituzte finalerdietara sailkatzeko play offeko partiduak, eta bertan izango da Hodei Exposito astigartarra.
Gaskuerekin batera, Larrazabal-Eskiroz bikotearen aurka jokatuko du, 17:15etatik aurrera, Larrainzarren. Norgehiagoka gogorra izango da Expositorentzat, gutxigatik geratu baitira aurkariak lehenengo bi postuetatik kanpo.
Oses eta Arsuaga Zizurren arituko dira bihar
Ardoi Txapelketako finalerdietan arituko dira bihar goizean CD Hernaniko Ekhi Oses eta Oier Arsuaga, Zizurreko pelotalekuan. Azkoitiako Etxanizen aurka jokatuko du Osesek, eta Lapkeko Landaren kontra arituko da Arsuaga.