'Mindfulnessaren onurak hazkuntza garaian' izeneko dinamika antolatu du Astigarragako Emakumeon Etxeak, otsailaren 24rako. Izan ere, Emakumeon Etxeak dio mindfulnessaren praktikak gure egunerokotasuna alda dezakeela: «Oreka emozionalean sakontzen lagundu gaitzake, eta baita geure haurrekin zein geure buruarekin harremantzeko modua aberasten ere», nabarmendu du.
Izaskun Robledo izango da dinamizatzailea, eta hizkuntzari dagokionez, taldearen araberakoa izango da. Goizeko 10:30etatik 13:00etara bitartean izango da saioa Emakumeon Etxean, eta bertaratu nahi duen orok aldez aurretik izena eman beharko du, 648 417 157 telefonora deituta edo emakumeonetxea.astigarraga@gmail.com helbidera idatzita. Horrez gain, aurrez abixatuta, doako haur zaintza zerbitzua ere eskainiko dute. Gomendatu dute esterilla eta arropa erosoa eramatea saiora.