Urtarrilerako plangintza ederra osatu dute Astigarragako Gazte Lokaleko kideek. Astebururo izango dira jarduera bereziak, eta astean zehar Lagunki saioekin jarraituko dute.
Gaur bertan jolaserako tartea izango dute bertaratzen direnek. Dobble jolas ezagunaren bertsio erraldoia prestatu dute, eta arratsaldeko 17:00etatik aurrera horretan arituko dira.
Datozen asteburuetarako, berriz, mahai jolasak, ping-pong txapelketa, sukaldaritza tailerra edota 'Ihes egin' jolasa prestatu dituzte.
Ordutegiari dagokionez, astelehenetan itxita egongo da lokala; asteartetik ostegunera eta igandeetan arratsaldeko 17:00etan irekiko dute; eta larunbatetan 16:30etan.
ASTIGARRAGAKO GAZTE LOKALEKO EGITARAUA
GAUR
17:00 Dobble erraldoia.
URTARRILAK 20
16:30 Mahai jolasak.
URTARRILAK 21
17:00 Ping-pong txapelketa.
URTARRILAK 27
16:30 Sukaldaritza.
URTARRILAK 28
17:00 Ihes egin.
*Astelehenetan itxita egongo da Gazte Lokala.
*Asteartetik ostiralera Lagunki saioak egingo dituzte, 17:00etan hasita.