Eragiyok abesbatzak AHOBER zikloa itxiko du gaur, Gabonetako kontzertu bereziarekin. Emanaldia 19:00etan izango da, herriko elizan, eta Matias Sagreras organista argentinarra eta Oiasso Boskotea harizko talde gipuzkoarra izango dituzte bidelagun.
Kontzertu horrekin amaiera emango diote lehen aldiz Astigarragan egin den ahots berdinen abesbatza zikloari, Eragiyokek Astigarragako Udalaren, Gipuzkoako Foru Aldundiaren eta Gipuzkoako Abesbatzen Elkartearen laguntzaz antolatu duena.
Bigarren ekitaldiari begira
Aurreko bi emanaldietan, JATORKI Ahots Zuriak Bilboko emakumeen taldearekin eta Voces Grabes de Madrid gizonezkoen abesbatzarekin aritu ziren eta aurtengo emanaldiak gaur amaituko dituzten arren, antolatzaileak dagoeneko lanean ari dira 2024an egingo den bigarren ekitaldiari begira.