Azken partidua etxetik kanpo jokatu eta gero, etxera bueltatuko da gaur Mundarro. Astigarragako kiroldegian jokatuko dute laugarren jardunaldiko partidua, 18:00etan, Debasket taldearen aurka. Konfiantzaz gainezka daude une honetan astigartarrak, Loiolari 18 puntugatik irabazi zioten pasa den asteburuan (52-70), eta emaitza bikain horri jarraipena eman nahi diote etxean.
Debasketek ez du batere ondo hasi denboraldia. Bi partidu jokatu ditu, eta biak galdu ditu alde haundiarekin: Donosti Dolphinsen aurka 66-48 galdu zuten, eta Lezoskt taldearen aurka 71-45.
Emakumezkoen taldeak etxetik kanpo jokatuko du bigarren jardunaldiko partidua. Aurreko asteburuan gaizki jokatu zuten moreek, galdu egin zuten etxean, eta aurkari gogor bati egin beharko diote aurre gaurkoan; Internacional taldeari, hain zuzen. Partidu hau ere 18:00etan hasiko da.