Gaur egingo dute 'Astigarragako emakume erreferenteen bila (1940-2000)' ikerketaren aurkezpena, 18:00etan hasita, Emakumeon Etxean. Eider Ugarte Rodriguez eta Andrea Loinaz Maizcurrena bekadunak izango dira hizlariak. Bekaren helburua da 1940 eta 2000garren urte bitartean Astigarragari ekarpen esanguratsua eign dioten emakume erreferenteen bilduma osatzea. Eta horretarako, Astigarragan epealdi horretan (1940-2000) eta hainbat arlotan ekarpenak egin dituzten emakumeen bila dabiltza, hala nola, merkataritzan, politikan, kulturan, kirolean, musikan, bizitza publikoan, hezkuntzan...
Beraz, gaur arratsaldeko saioan, bi bekadunek, ikerketaren metodologia azaldu ondoren, bi gogoeta eragingo dituzte; batetik, erreferente izatea zer den; eta bestetik, Astigarragan nor izan daitekeen emakume erreferentea. Gainera, saiora bertaratzen direnen artean herriko emakume erreferenteen zerrenda sortzeari ekingo diote.
'Denok dugu zeresana' inkesta
Edozein herritarrek buruan duen emakume hori proposa dezake inkesta bidez eta bertan nahi adina emakumeen izen-abizenak zehaztu daitezke, zer alorretan eta egin duten ekarpena adieraziz. «Erraz eta azkar» bete daiteke eta herritar guztiak gonbidatzen ditugu nork bere aletxoa jartzera. Inkesta digitalean udal webgunean edo paperean Emakumeon Etxean eta Erribera Kulturguneko harreran jarritako buzoietan erantzun ahal izango dute herritarrek urriaren 27ra arte. Astigartar guztien laguntza baliagarria izango da itzalean dauden emakumeak argitara ateratzeko.