XXIII. Sagar Uzta borobiltzeko, Sagarraren Jaia ospatuko dute gaur Astigarragan. Goizeko 09:30etatik arratsaldeko 17:30etara sagarrarekin eta tradizioarekin lotutako ekintza ugari izango dira. Foru plaza izango da festaren erdigunea, eta Sagardoetxetik hartuko dute beharrezko materiala.
Eguerdiko 14:30etan herri bazkaria izango da plazan bertan; eta, arratsaldeko 17:30etan, bi pelota partidurekin amaituko da egitaraua. Lizeaga anaiek Beñat Apezetxearen eta Erasunen aurka jokatuko dute, eta Xala-Urruzola bikotea Mendizabal-Azanza bikotearen kontra arituko da.