Gizonezko baten gorpua aurkitu zuten atzo Txoritokietan, gotorlekuaren inguruan. Eguerdian jaso zuten abisua Donostiako Suhiltzaileek, bertatik zebilen pertsona batek deituta. Irisgarritasun txarra zuen toki batean zegoen gizonaren gorpua, eta anbulantziak bertara sartzeko zailtasunak zituenez, suhiltzaileek burutu zuten erreskatea.
Medikuak heriotza baieztatu eta arratsaldeko 15:00ak baino pixka bat lehenago altxatu zuten gorpua. Behin erreskatea burututa, Auzitegi Medikuntzako Institutura eraman zuten, bertan autopsia egiteko.