Jendetsuak izan badira aurreneko bi egunak Ergobiko Jaietan, sekulakoa izango da gaurkoa, aurreikuspen guztien arabera. Urtero bezala, txiki geratuko da auzoko plaza, sagardo egunean. Meza nagusiaren ondoren, goizeko 11:30etan ekingo diote Sagardo Lehiaketaren 60garren edizioari, eta ordu erdi beranduago hasiko da dastaketa plazan. 1.000 edalontzi eskatu dituzte, eta ez zaizkie asko sobratuko...
Arratsaldean, berriz, herri kirolek hartuko dute protagonismoa, 17:30etatik aurrera. Aurrena, erakustaldia eskainiko du Ugaitz Mugertza aizkolariak, zutikako enbor bat mozten. Eta ondoren, harrijasotzaileen txapelketa izango da jokoan, Ergobiko 104 kiloko Harri Beltzarekin.
ERGOBIKO JAIETAN GAUR
ABUZTUAK 20, Sagardo eguna
10:30, Meza nagusia Astigarragako elizan, auzoko hildakoen oroimenez
11:30, LX. Sagardo Lehiaketa. Dastaketa 12:00etan hasiko da plazan.
17:30, Zutikako kanako enbor-mozte erakustaldia, Ugaitz Mugertzaren eskutik
18:30, Harrijasotzaileak: Gizonezkoen IX. Txapelketa, Ergobiko 104 kiloko 'Harri Beltza'rekin
21:00, Afaria, karpan. Txartelak, txosnan: helduek 28 euro, 16 urtetik beherakoek 15 euro.
