Igandean jokatu zen I. Txirrita mendi lasterketa Altza, Errenteria eta Astigarragako lurretan barna. 185 korrikalarik eman zuten izena lehen edizio honetan, baina 150 bat lagun izan ziren Altzako San Martzial plazatik abiatu zirenak.
Ibai Makazaga Aristi oriotarra (1:15:16) gizonetan eta Erika Alvarez Alduncin (1:32:19) aresoarra emakumezkoetan izan ziren 16,7 kilometroko ibilbidean azkarrenak.
Giro ederra izan zen goiz osoan zehar, eta sari banaketen ondoren ere hala jarraitu zuen, Bull DJ-ak jarritako giroa lagun. Antolatzaileak oso pozik amaitu zuten jendeak emandako erantzunarekin, eta «lasterketa antolatzen hasi ginenean jarri genituen aurreikuspen guztiak bete direla esan dezakegu. Beraz, I. Txirrita mendi lasterketaren balorazio oso positiboa egiten dugu».
Hernaniko eta Astigarragako lasterkariak ere partehartu zuten. Hamaikagarren amaitu zuen Mikel Martin hernaniarrak eta bederatzigarren Arantxi de la Fuente astigartarrak.