Gaur eta bihar gauez, Astigarragako goiko biribildunetik AP-8ra sartzeko irteera itxi egingo dute, gaueko 22:00etatik goizeko 06:00etara bitartean, bertako argiteria konpontzen ari direlako. Lanak gauez egingo dituztela jakinarazi du Gipuzkoako Foru Aldundiak: «trafikoari ahalik eta gutxietan eragiteko asmoz».
Hori horrela, gaur eta bihar, Bilborantz doanak aukera du GI-14 errepidetik, Martuteneko biribilgunera jarraitzeko eta segidan, GI-40tik ospitaletara igo G-20 edota AP-8ra sartzeko. Aldiz, Astigarragatik Behobiarantz joan nahi duenarentzat, ondorengo gomendioa luzatu du Gipuzkoako Foru Aldundiak: «hartu A-15 errepidea Hernani noranzkoan, eta 167 irteera atera norabidea aldatzeko. Berriro A-15ean sartu Donostia noranzkoan, AP-8rako lotunera arte».
Gogoratu, beraz, gaur eta bihar gauez ezin izango dela Astigarragako goiko biribilgunetik AP-8ra sartu, itxi egingo dutelako.