Ziztu bizian pasatzen ari dira Astigarragako inoizko Santio Jairik luzeenak. Laugarren eguna izango dute gaurkoa, eta ekintzaz jositako egitarauak alaituko ditu herriko kaleak. Ekitaldi nabarmenduen artean daude Emakumeon Etxeak antolatutako arropa trukatzeko azoka, Erretiratuen bazkaria edota arratsaldeko bertso saioa. Horrez gain, Dupla musika bikotea edota DJ Bull arduratuko dira gaueko parranda girotzeaz.
Astigartarrak bapo, marmitakoarekin
Arrakastatsua izan zen atzoko marmitako lehiaketa. Goiz osoa pasa zuten parte hartzaileek plater onenaren bila, eta herri bazkariarekin borobildu zuten lehiaketa.