Duela 45 urte Joseba Barandiaran astigartarra hil zuen Espainiako poliziak, eta atzo senideek gogoan izan zuten, gaztea hil zuten lekuan, Donostiako Aldapeta eta San Bartolome kaleen artean. Lore eskaintza egin zuten bertaratutakoek, Udalak duela bi urte gaztearen omenez jarritako plakan.
1978ko uztailaren 11n, Joseba Barandiaran Urkola gaztea, tiro batez hil zuen Espainiako poliziak. 1978ko sanferminetan, uztailaren 8an, Iruñeko zezen plazan izandako liskarretan German Rodriguez gaztea hil zuten tiroz, eta beste hamaika pertsona zauritu zituzten. Manifestazioak eta grebak zabaldu ziren Euskal Herrian. Hiru egun beranduago, Donostian egin zen German Rodriguezen hilketa salatzeko manifestazioan zen Barandiaran eta Espainiako poliziak egindako kargan erail zuten gaztea tiroz, 19 urte besterik ez zituela.
Duela bost urte, Joseba Barandiaranen omenez ekimena burutu zuten astigartarrek, bere heriotzaren 40garren urteurrenean; tartean lore eskaintza egin zieten Barandiaranen senideei.