Itsaso Perezek egindakoa izango da, aurten ere, Santio Jaiak iragartzeko kartela. Hirugarren urtez jarraian eskuratu du saria egileak, botoen ia erdia eskuratuta. 166 astigartarrek hartu dute parte kartela aukeratzeko bozketan, eta 81 boto jaso ditu Perezen kartelak (%48,8).
«Jaien funtsa» irudikatzen du kartel irabazleak: erdiko zirkuluak batasuna eta komunitatea sinbolizatzen du, «festa hauetan elkarrekin egotearen garrantzia azpimarratuz».
