Gaur egingo dute Astigarragan Ingurumen Asteko azken ekintza. Ingurumenaren Nazioarteko egunaren harira, egitarau zabala prestatu zuen Udalak, eta polinizatzaile basatiak izan dira gai zentrala.
Gaurkoan 'Sugebizi' mendi irteera gidatuaz gozatzeko aukera izango dute astigartarrek, Aranzadi Zientzia Elkartearen eskutik. Irteeraren helburua narrastiak eta anfibioak non dauden eta naturari nola eragiten dioten ezagutzea da.
Goizeko 10:00etan hasiko da ekintza, Foru plazatik abiatuko dira, eta 2-3 orduko iraupena izango du. Familian eta lagun artean gozatzeko moduko ekintza izango da, eta hamaiketakoa eskainiko dute amaieran.