Beste urte batez, 400 euroko bederatzi sari zozketatu dituzte Buruntzaldeko herrietan, 2022an gidabaimenaren atal teorikoa euskeraz egin zutenen artean. Eta sarituetako bat izan da Danel Soraluce Arrizabalo astigartarra.
Egitasmoaren helburua da bultzada ematea Buruntzaldeko herritarrek euskeraz atera dezaten gidabaimenaren atal teorikoa, gehienek gaztelaniaren aldeko hautua egiten baitute oraindik. 2022an, eskualdeko 60 herritarrek egin zuten euskeraz; eta egitasmoa 2010ean martxan jarri zenetik, 1.252 izan dira. Egitasmoa indarrean egongo da 2023 urtean ere.
Gainera, berri pozgarri bat ere eman dute: Errenteriako Don Bosco ikastetxeak goi-mailako ziklo bat eskaini du D ereduan, autoeskolako irakasleak prestatzeko. «Pozarren» hartu dute albiste hori Buruntzaldeako udalek, uste baitute gidabaimena euskeraz ateratzeko erraztasun haundiagoak izango direla datozen urteotan.