Ederki emango diote hasiera larunbat goizari, Astigarragako zenbait emakumek. Izan ere, gaur goizeko 10etarako amen arteko topaketa antolatu dute, Gozamenerako arteterapia izenpean. Astigarragako Emakumeon Etxean egingo dute gaurko ekintza, eta bi ordu t'erdiko tailerra izango da. Elebietan eskainiko dute eta doakoa da, baina bertaratzeko aldez aurretik izena eman beharra zegoela jakinarazi zuen Emakumeon Etxeak.
Gaurko antolatu den arteterapiaren bidez, emozioak landuko dituzte taldean, izan ere, arte terapiak sorkuntza bitartez, obra bakoitza zertarako eta nola adierazi nahi den erabakitzeko aukera eskaintzen du. Arte terapiaren prozesuan, barru-barruko bizipenekin egin daiteke topo, eta sortutako obra hori, barruko emozioen adierazlea izango da.