Aurrera jarraitzen du haur eta nerabeei zuzendutako hitzaldi zikloak; izan ere, Treba Gurasoak programaren baitako hitzaldia eskainiko du Izaskun Lópezek, gaurkoan. Erribera kulturgunean izango da, arratsaldeko 18:30etatik 20:00etara bitartean; eta hitzaldiaren helburu nagusia da seme-alabentzako ingurune seguruak eta babes eremuak sortzen laguntzea: «Balizko egoerak hautematetik, jazarpen egoerak edo bullying kasuak identifikatzeko gakoak eskainiz». Horrez gain, haur eta nerabeen hezkuntzan familiaren babes funtzioak duen garrantziaz hausnartuko dute saioan.
Hitzaldian zehar, ondorengo galderak egingo ditu Izaskun Lópezek, eta gogoetarako tartea ere utziko du: Zer da bullyinga?; jazarpen-egoerak versus bullyinga; zer dira gatazkak? gatazkak bullying ez bihurtzeko gakoak; goiz antzematea eta babesgabetasuna; zer egin dezake familiak?
Hitzaldia izan arren, trebatzaileak azalpen teoriko praktikoak eskainiko ditu, eta bertaratutako herritarrek parte hartzeko aukera izango dutela jakinarazi dute Treba Gurasoak programaren arduradunek.
Bertaratzeko, ezinbestekoa da aurrez izena ematea, 943 33 50 64 telefono zenbakira deituta, edo euskaraetahezkuntza@astigarraga.eus helbidera idatzita.