Urumea ibaia txukuntzeko asmotan, garbiketa prozesua abiatu zuen Astigarragako Udalak 2022 urte hasieran. Bi hilean behin egin dituzte astebeteko garbiketak, eta hondakin kopuru haundiak atera dituzte uretatik. Guztira 3.831,930 kilo hondakin bildu dituzte sei garbiketetako hondakinak elkartuta.
Urriaren erdialdean egin zuten azkenaurreko garbiketa; orduko hartan 505,510 kilo hondakin pilatu zituzten. Apalagoak izan dira urteko azken garbiketako datuak, 434,4 kilo hondakin atera zituzten abenduko garbiketan. Eraispen hondakinetan pilatu dute karga haundiena, baina askotariko zaborrak bildu dituzte Urumeatik: ontzi arinak, beira, inerteak, metala, egurra...
Astigarragako Udalak positiboki baloratu du egindako lana, eta 2023an garbiketekin jarraitzeko asmoa erakutsi du.