Kulturaz betetako hilabetea izango da urteko azken hilabetea astigartarrentzat. Izan ere, hilabeteko kultur ekintzen artean, Norberto Almandoz Musika Eskolak egitarau oparoa prestatu du, abenduan zehar musikaz gozatzeko.
Larunbat honetan izango da aurreneko emanaldia, Euskeraren Nazioarteko Egunaren harira; Moriarty eta Gabiltzanian taldeek kontzertua eskainiko dute Erriberako terrazan, eguerdiko 13:00etan. Abenduaren 15ean, berriz, musika eskolako pianoko ikasleek hartuko dute lekukoa eta kontzertua eskainiko dute, Erriberako erakusketa aretoan, arratsaldeko 18:15etan. Hurrengo egunean, piano, ahotsa, gitarra elektriko eta baxu entzunaldiaz gozatzeko parada emango zaie astigartarrei, arratsaldeko 17:00etan, Erriberako erakusketa aretoan. Hilaren 18rako, urtero moduan, Musika eskolako Gabonetako Kontzertuak hartuko du protagonismoa, Erriberako auditorioan, eguerdiko 12:30etan. Hurrengo egunetan ere izango dira musikarekin lotutako emanaldiak, hala nola azaroaren 19an, trikitixa eskusoinu eta pandero entzunaldia izango da Erriberan, eta hilaren 20an tronpeta, bonbardino, klarinete, saxofoi, zeharkako txirula eta txistu entzunaldia eskainiko dute ikasleek.
EGITARAUA
ABENDUAK 3
13:00 Moriarty eta Gabiltzanian kontzertua. Erriberako terrazan.
ABENDUAK 15
18:15 Musika Eskolako Pianoko ikasleen kontzertua. Erriberako erakusketa aretoan.
ABENDUAK 16
17:00 Piano, ahots, gitarra elektriko eta baxu entzunaldia.
ABENDUAK 18
12:30 Musika eskolako Gabonetako Kontzertua.
ABENDUAK 19
18:30 Gitarra, trikitixa, eskusoinu eta pandero entzunaldia.
ABENDUAK 20
19:00 Tronpeta, bonbardino, klarinete, saxofoi, zeharkako txirula eta txistu entzunaldia.