Hainbat udal tasa ordaintzeko, hobariak aplikatu nahi ditu Astigarragako Udalak, 2023rako: ura, zaborra, kultur jarduerak, ikastaroak eta Gaztelekua.
Hobariak jasotzeko, eskaera egin behar da, eta abenduaren 31ra arte dago epea. 2021eko familia-unitateko kide guztien diru-sarrerak aurkeztu behar dira, udaletxean: 2021eko errenta aitorpena, edo diru-sarrerarik ez daukala egiaztatzen duen Foru Ogasunaren ziurtagiria.
Hiru baldintza bete behar dira: Astigarragan erroldatuta egotea, Udalarekiko ordainketak egunean izatea, eta osatu duten hobari-taularen araberako diru-sarrerak izatea. %50ekoa, %75ekoa edo %90ekoa izan daiteke hobaria, bizikidetza unitateko diru-sarreren eta kide kopuruaren arabera. Informazio gehiagorako: kontuhartzailea@astigarraga.eus, edo 943 33 52 33.