Ikasturteko programazioarekin jarraituz, beste tailer bat antolatu du Astigarragako Emakumeon Etxean, biharko: Amatasuna eta erotika, errealitatearen beste aldea ezagutzen. Emakumeon Etxean bertan izango da, arratsaldeko 18:00etan hasita; eta Plax! sexu eta bikote aholkularitzak gidatuko du saioa. Doakoa da tailerra, baina izena eman behar da aldez aurretik: emakumeonetxea.astigarraga@gmail.com helbidean, Emakumeon Etxean bertan (Kale Nagusia 23), edo 648 417 157 telefonoan. Haur zaintza zerbitzua ere eskainiko dute, aldez aurretik eskatuz gero.