Nabarralde Fundazioak antolatuta, Giza habitat ezkutua erakusketa ikusgai egon da azken bi asteotan, Erribera kulturgunean, 09:00etatik 13:00etara eta 16:00etatik 20:00etara.
Egitaraua jarraituta, gaur izango da informazio panelak ikusteko azken eguna. Itxiera egunerako, Beñi Agirrek ikustaldi gidatua egingo du, arratsaldeko 19:00etan hasita.
Erakusketak Euskal Herriko historiaren gakoak erakusten ditu: euskal nafarren habitata eta lurraldetasuna, eta, horrez gain, mugarri izan diren datak, pertsonaiak eta gertaera garrantzitsuak. Informazio hori guztia modu grafikoan kontatu du Nabarraldek, 14 horma-irudiren bidez. Datu guztiak euskeraz zein gaztelaniaz irakur daitezke, eta, gainera, gaur, Agirreren azalpenekin, gaian sakondu ahal izango da.