Sagar Uzta 2022 antolatutako Argazki Rally Digitala lehiaketaren sari banaketa bihar izango da Sagardoetxean, 19:00etan. Bertan, bi sari banatuko dira: batetik, bildumarik onenak jasoko du sagardoaren kulturako esperientzia eta bertako produktuekin osatutako; eta, bestetik, bigarren sailkatuarentzat izango da bertako produktuekin osaturiko sorta.
Horrekin batera, urriaren 30a arte Sagardoetxean ikusgai egongo den argazki erakusketari hasiera emango zaio. Erakusketan, saritutako bi bildumarik onenak eta parte-hartzaile bakoitzaren argazki bat erakutsiko dituzte. Gainera, publikoaren sariaren irabazlea erabakitzeko lehiaketa martxan jarriko da. Sagardoetxeko Instagram kontuan argazkiak publikatuko dituzte, eta atsegite gehien jasotzen dituenak bertako produktuekin osaturiko sorta irabaziko du.