Aurten ere Astigarragako Udalak aurrekontu parte-hartzaileak martxan jarri ditu. Udalaren 2022ko aurrekontuan 120.000 euro daude, astigartarrek zuzenean zertarako erabili erabakitzeko. Urriaren 24ra gauzatuko da lehenengo fasea eta edozein herritarrek du proposamenak egiteko aukera. Proposamena idatzi behar da herritarrek etxean jaso duten eskuorrian eta ondorengo lekuetan utzi daiteke: Udaletxea, kiroldegia, Herri Eskola, Erribera Kulturgunea, Gaztelekua, Kiriketa Haurreskola, AEK eta Kontxa Etxeberria plazan, Joseba Barnadiaran plazan, Errekatxo plazan, Ergobia plazan eta Norberto Almandoz plazan dauden kaleko udal postontzietan.
www.astigarraga.eus webgunean dagoen formularioa ere beste bide bat da proposamenak helarazteko eta alkatetza@astigarraga.eus helbidera ere proposamenak bidali daitezke.
Bigarren fasean, udal-teknikariek proposamenen bideragarritasuna baloratuko dute. Hirugarren fasean, proposamen finalistak aukeratuko dira. Azkenik, laugarren fasean denon artean erabakiko dute botoa emanez.
Aurreko urteetako proiektuak gauzatu dira eta gauzatzear dira
Ekimen honi esker, hainbat hobekuntza eta proiektu egin dira herrian; hala nola Herri Eskolako jolastokia estaltzea, eguneko zentruan berritze-lanak egitea, pump track-a, jolas eta aisialdi-guneak ibai parkean (azken hauek laster egingo dira)