Joxan Sagastizabalen Kutsidazu bidea Ixabel nobela Erribera kulturguneko oholtza gainera igoko da larunbatean. Hain zuzen ere, formatu musikalean aurkeztatuko du Demode konpainiak, Patxi Barcoren zuzendaritzapean.
Sarrerak salgai, Erriberan eta 'astigarraga.eus' webgunean
Iluntzeko 20:00etarako jarri dute hitzordua, eta sarrerak salgai daude dagoeneko astigarraga.eus webgunean: helduenak 10 euro balio ditu eta haurrenak, berriz, 5 euro. Erribera kulturgunean ere badago sarrerak erosteko aukera, arratsaldez. Gainera, egunean bertan ere erosi ahal izango dira kulturgunean, emanaldia hasi baino ordubete lehenago.
Barcoren musikalak, umorearen, maitasunaren eta abesti dantzagarrien bidez, kontatzen du baserri batera euskera maila hobetzera joaten den Juan Martin gazte donostiarraren istorioa. k