Joan den urtean Kizkia taldeak ez zuen Sagardo txapelketarik antolatu, koronabirusa medio. Hala ere, aurten, sagardoaren aldeko apustua egin dute berriro, eta 21garren sagardo txapelketa antolatzea lortu dute, Astigarragako Gure Izarra elkartean. Hilabete osoan zehar aritu dira sagardo txapelketan buru belarri eta ondorengo egunetan egin zituzten sailkapenak: irailaren 7an, 14an eta 21ean. Joan den asteazkenean jokatu zen finala, eta Astigarragako Lizeaga sagardotegia izan da irabazlea, 134 punturekin. Bigarren postuan gelditu da Lizartzako Goikoetxea sagardotegia 132 punturekin, eta hirugarren postuan, berriz, Adunako Zabala sagardotegia, 131,5 punturekin.
Beste astigartar bat ere bazen finalisten artean: Alorrenea. Laugarren gelditu zen, 128 punturekin.
15 sagardotegik hartu dute parte, txapelketan
Denera, Gipuzkoan banatuta dauden hamabost sagardotegik parte hartu dute sagardo txapelketan: Zabala eta Aburuza (Aduna), Urdaira (Usurbil), Eula (Urnieta), Izeta (Aia), Lizeaga, Petritegi, Rezola, Larrarte eta Alorrenea (Astigarraga), Astiazaran eta Kalonge (Donostia), Ohiarte (Zerain), Goikoetxea (Lizartza), eta Akarregi (Hernani).