Lehenengo urteurrena beteko du Astigarragako Emakumeon Etxeak, asteburu honetan: joan den urteko irailaren 25ean inauguratu zuten, makina bat emanaldirekin. Eta beste festa batekin ospatu nahi dute aurreneko urtebetetzea, larunbat honetan. Lau hitzordu jarri dituzte, Emakumeon Etxean bertan; eta doakoak izango dira guztiak.
Hamaiketakoarekin hasiko dute ospakizuna, 11:00etan; eta Konfinatu ezinezko ahotsak dokumentala ikusiko dute segidan, Basauriko Kiskali Gazte Talde Feministak egindakoa. Ondoren, inaugurazio ekitaldian bezala, ez du hutsik egingo Sorginbanda Batukada Feministak, 13:30etan. Eta bazkari baten bueltan elkartuko dira gero.
Arratsaldean, berriz, umorearekin izango dute zita, Beatriz Egizabal lasartearraren bisita jasoko baitute, Magma Mia bakarrizketarekin.
EMAKUMEON ETXEA
IRAILAK 24, larunbata
11:00, Hamaiketakoa, eta ondoren Konfinatu ezinezko ahotsak dokumentala.
13:30, Sorginbanda Batukada Feminista.
14:30, Bazkaria.
18:00, Beatriz Egizabalen
Magma Mia bakarrizketa.