Azken urteetan Covid-19aren eraginez, Kizkia taldeak ez du sagardo txapelketarik antolatu, baina aurten sagardoaren aldeko apustua egin dute, eta 21garren sagardo lehiaketa antolatu dute, Astigarragako Gure Izarra elkartean.
Taldeko partaideak, beste behin ere, Gipuzkoan banatuta dauden hamabost sagardotegi ezberdinek egindako sagardoak dastatzeko aukera izango dute. Horretarako, hiru egun ezberdinetan sailkapenak egingo dira, eta sei sagardok lortuko dute finalerako txartela. Gaur izango da lehenengo sailkapen eguna, eta gainontzekoak ondoko egunetan izango dira: irailaren 14ean eta 21ean, eta finala 28an jokatuko da.
Taldekideek beste urteetan erabilitako pausu berdinak jarraitu beharko dituzte, eta aurten Kizkia taldeak antolatutako 21garren sagardo txapelketan parte hartuko duten sagardotegiak honakoak izango dira: Zabala eta Aburuza (Aduna), Urdaira (Usurbil), Eula (Urnieta), Izeta (Aia), Lizeaga, Petritegi, Rezola, Larrarte eta Alorrenea (Astigarraga), Astiazaran eta Kalonge (Donostia), Ohiarte (Zerain), Goikoetxea (Lizartza), eta Akarregi (Hernani).
Hilaren 28an, bazkaria eta finala
Irailaren 28an jokatuko da final bazkaria, Astigarragako Gure Izarra elkartean. Beraz, bertaratu nahi duenak deitu dezala 616 694 684 telefono zenbakira. k