Datorren asteartean, hilaren 16an, ospatuko da San Roke eguna Astigarragan. Hainbat ekintza izango dira Santiomendiko ermitan, eta salgai jarri dituzte dagoeneko bazkari herrikoirako txartelak. Ikatzan eskura daitezke, eta salgai egongo dira guztiak agortu arte. Helduenak 25 euro balio ditu, eta bazkalduko dute iberikoa, entsalada mixta, atuna parrillan, txerri saiheskia, postrea, sagardoa, kafea eta garagardoa. Haurrenak, berriz, 10 euroan eskuratu ahal izango dira, eta umeek bazkalduko dituzte kroketak, baserriko oilaskoa patatekin eta izozkia.